بە مووشەك هێرشكرايە سەر ڕادیۆ و تەلەفزیۆنی دهۆك لە ئیدارەی سەربەخۆی زاخۆ و هێرشەكە زیانی گیانی نەبووە و تەنها زیانی ماددیی هەبووە.
پەیامنێری تۆڕی میدیایی ئێستا لە سنووری پارێزگای دهۆك گواستییەوە، ئەمڕۆ سێشەممە بە مووشەك هێرشكراوەتەسەر ڕادیۆ و تەلەفزیۆنی دهۆك لە ئیدارەی سەربەخۆی زاخۆ و ڕووداوەكە زیانی گیانیی نەبوو و تەنها زیانی ماددیی هەبووە و لێكۆڵینەوە لە ڕووداوەكە لەلایەن هێزە ئەمنییەكانەوە دەستیپێكردووە.
هاوكات كەمێك پێش ئێستا دەزگای ڕاگەیاندن و ڕۆشنبیری پارتی ڕوونكردنەوەیەكی بڵاوكردەوە و ڕایگەیاندووە، هێرشكراوەتە سەر بنكەیەكی پەخشی دەزگاكەمان و زیانێكی ماددیی زۆرمان بەركەوتووە”.
لە ڕاگەیەندراوەكەدا هاتووە، ” بەهۆی هێرشەكەوە پەخشی ڕادیۆی دهۆك، كەناڵی تەلەفزیۆنی دهۆك، تەلەفزیۆنی دەلال و ڕادیۆی زاخۆ وەستاوە و زیانێكی زۆری مادديی بەر باڵەخانەكە و ئامێرەكان كەوتوون.
