بەڕێوەبەرایەتییەكانی وەبەرهێنانی هەولێر و دهۆك ژمارەیەك هەلی دامەزراندنیان بەشێوەی گرێبەست ڕاگەیاند و دەڵێن، هەڵبژاردنیان بەپێی خاڵبەندی دەبێت.
بەڕێوەبەرایەتیی گشتیی وەبەرهێنانی دهۆك هەلی دامەزراندنی بۆ 26 فەرمانبەر بەشێوەی گرێبەست ڕاگەیاند و هەروەها هەولێریش بەهەمانشێوە هەلی كاری بڵاوكردووەتەوە.
لەگەڵ بڵاوكردنەوەی فۆڕمەكەدا، هاوڵاتییانی هەردوو پارێزگاكە ئاگاداركراونەتەوە كە دەتوانن داواكاری پێشكەش بكەن، لەگەڵ ڕەچاوكردنی چەند مەرجێك.
فۆڕمەكە بەشێوەی ئۆنلاین پڕدەكرێتەوە و پێشینە بۆ خاوەن بڕوانامە باڵاكان و كەسوكاری شەهیدانە و بەپێی C.V یەكان، خاڵبەندی دەكرێت و خاوەن زۆرترین پۆینت چانسی دامەزراندنیان زیاترە، وەك ئەوەی لە ڕاگەیەندراوی بەڕێوەبەرایەتییەكاندا هاتووە.
