پاشماوەی چەكدارانی داعش هێرشێكیان بۆسەر خاڵێكی ئەمنیی سوپای عێراق لە گوڵاڵە ئەنجامدا.
بەپێی میدیا عێراقییەكان، سوپا و هێزە ئەمنییەكان بەرپەرچی هێرشەكەیان داوەتەوە.
هێرشەكە بۆسەر خاڵێكی ئەمنی سەر بە فەوجی مغاویر- فیرقەی یەكەمی سوپای عێراق بووە لە گەڕەكی تەجنید-ی دەوروبەری شارۆچكەی گوڵاڵە و بەهۆیەوە سەربازێك برینداربووە.
هێرشەكە لەلایەن یەكەكەی سوپاوە بەرپەرچدراوەتەوە و بەهۆیەوە چەكدارەكانی داعش پاشەكشەیان كردووە.
