هەفتەیەک پاش بردنەوەی دۆسییەکەی دادگای لەگەڵ ئەمبەر هێرد-ی هاوژینی پێشووی، جۆنی دێپ ئەلبومێکی گۆرانی بڵاودەکاتەوە.
دێپ ڕایگەیاندووە، ئەلبومەکە بە هاوبەشی دەبێت لەگەڵ جێف بێک گۆرانیبێژی ئینگلیزی و ناویدەنێن “18”.
ئەلبوومەکە 13 گۆرانی لەخۆدەگرێت و زۆربەیان کاری هونەرماندانی کۆنن، وەک کارەکانی تیپی مۆسیقای “پیچ بۆیز” و “ڤێلڤێت ئەندەرگراوند”.
ئەلبوومەکە دوو گۆرانییش لەخۆدەگرێت کە جۆنی دێپ خۆی بەرهەمیهێناون.
هاوڕێیەتیی دێپ (59 ساڵ) و جێف بێک (77 ساڵ) دەگەڕێتەوە بۆ ساڵی 2016 و لەم بارەیەوە دووەمیان ڕوونیکردووەتەوە، “کاتێک لەگەڵ دێپ-دا دەستمان بە ژەنینی مۆسیقا کردووە، ڕوحی گەنجێتی و داهێنان لە هەردووکماندا زیندووبووەتەوە” و هەروەها “گاڵتەوگەپی ئەوەمان دەکرد لە تەمەنی 18 ساڵیداین، هەر بۆیە ناونیشانی ئەلبومەکەش بوو بەم ژمارەیە”.
