بەڕێوەبەرایەتیی گشتیی كەشناسی و بومەلەرزەزانیی هەرێم بڵاویكردووەتەوە، بەهۆی خۆڵبارینەوە مەودای بینین لە كەركوك، گەرمیان، هەولێر و سلێمانی كەمبووەتەوە ئاشكرایدەكات، “كاریگەریی خۆڵبارینەكە تاوەكو شەو بەردەوامدەبێت”.
بەپێی ڕاگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم تێیدا هاتووە، بەهۆی زیادبوونی خێرایی باوە كە بووەتە هۆی بەرزبوونەوەی تەپ و تۆز لە ناوچەكانی كەركوك، گەرمیان، هەولێر و بە ڕێژەیەكی كەمیش سلێمانی مەودای بینین كەمبووەتەوە.
لە ڕاگەیەندراوەكەدا هاتووە پێشبینیشدەكرێت ئەم تەپ و تۆزە بەردەوامبێت تا شەو دواتر كاریگەرییەكەی لاواز دەبێت.
