سەرۆكی تەریقەتی عەلییەی قادرییەی كەسنەزانی ڕایگەیاند، وڵاتی ئیندۆنیسیا، كە گەورەترین وڵاتی ئیسلامییە لە جیهاندا و ژمارەی دانیشتووانەكەی 250 ملیۆن كەسە، هەموویان دەچنە سەر ڕێبازەكەی.
شێخ نەهرۆ كەسنەزانی، لە ڕێوڕەسمێكدا كە لە بارەگای تەریقەتی كەسنەزانی لە سلێمانی بەڕێوەچوو بە “جەژنی ڕۆحەكان” ناوهێنراوە، ڕایگەیاندووە، “سەرۆكی ئیندۆنیسیا و خەڵكی وڵاتەكە نوێنەری خۆیانیان ناردووە بۆ لامان، ئەویش تەریقەتی قادرییەی كەسنەزانییەی وەرگرتووە و بۆتە خەلیفەی خۆمان”.
كەسنەزانی وتووشیەتی، بەم نزیكانە دەچێتە ئیندۆنیسیا و سەردانی وڵاتەكە دەكات.
