هەردوو یانەی یۆڤانتۆسی ئیتاڵی و بەرشلۆنەی ئیسپانی كێبڕكێ لەسەر كڕینی دی ماریای ئەرجەنتینی دەكەن.
ڕۆژنامەی سپۆرتی ئیسپانی بڵاویكردۆتەوە، چاڤی خۆی پەیوەندی بە دی ماریاوە كردووە و پێی ڕاگەیاندووە كە دەیكاتە یاریزانێكی گرنگی تیپەكە.
ڕۆژنامەی لاگازێتای ئیتاڵیش ئاشكرایكردوە، ئیدارەی یۆڤانتۆس لە ڕێگەی پاڤێل نێدڤێدی بەڕێوەبەری وەرزشییەوە قسەی لەگەڵ دی ماریا كردووە و داوایان لێكردوە بەرەو ئیتاڵیا هەنگاو بنێت.
دی ماریا تا ئێستا یەكلایی نەبۆتەوەو نازانێت پەیوەندی بە كام یانەیەوە بكات.
دی ماریا دەیەوێت دوو وەرزی تر لە ئەوروپا یاریی بكات و دواتر بەرەو خولی تۆپی پێی ئەمریكا هەنگاو بنێت.
