هەردوو شاندی یهكێتیی نیشتمانیی كوردستان و پارتی دیموكراتی كوردستان له ههولێر كۆبوونهوه، پرسی دهستوور و ههڵبژاردنی پهرلهمانی كوردستان و كۆمسیۆنی ههڵبژاردنهكانیان تاوتوێكرد.
كۆبوونەوەكە ئهمڕۆ سێشەممە كراوە و ڕاگەیەندراوی هاوبەشی هەردوو شاندەكە دەڵێت، ههردولا هاوڕابوون لهسهر پێویستیی نووسینهوهی دهستووری ههرێمی كوردستان، بۆ ئهم مهبهسته پێویسته دهست به ئامادهكاری یاسایی بكرێت.
یەكێتی و پارتی جەختدەكەنەوە كە پرسی ههڵبژاردنی پهرلهمانی كوردستان و كۆمسیۆنی ههڵبژاردنهكان، وهك دوو پرسی گرنگی نیشتمانی پێویستیان به گفتوگۆی زیاتر و سازانی سهرجهم هێزه سیاسییهكانی كوردستانه بۆ گهیشتن به ڕێككهوتنێكی گشتگیر.
بەپێی ڕاگەیەندراوەكە، شاندی یهكێتیی نیشتمانیی كوردستان پێكهاتبوو له ڕزگار عهلی كارگێڕی مهكتهبی سیاسی و سهرۆكی شاندەكە، ڕزگار حاجی حهمه لێپرسراوی مهكتهبی ههڵبژاردنی یهكێتی، زیاد جهبار سهرۆكی فراكسیۆنی یهكێتی و لوقمان وهردی جێگری سهرۆكی فراكسیۆنی یهكێتی له پهرلەمانی كوردستان و عەلی شوانی ئەندامی مەکتەبی ھەڵبژاردنی یەکێتی.
شاندی پارتیش پێكهاتبوو له ڕێبوار یهڵدا ئهندامی مهكتهبی سیاسیی پارتی و سهرۆكی شاندەكە، خهسرهو گۆران لێپرسراوی دهزگای ههڵبژاردنی پارتی، زانا مهلا خالید سهرۆكی فراكسیۆنی پارتی له پهرلهمانی كوردستان.
