هاوڵاتییەك لە هەورامان تەقەی لێكرا و بەهۆی سەختیی برینەكەیەوە گیانیلەدەستدا.
موقەدەم بەرزان عوسمان وتەبێژی بەڕێوەبەرایەتیی پۆلیسی پارێزگای هەڵەبجە ڕایگەیاند، بەهۆی شەڕ و تەقەکردن لەنێوان چەند هاوڵاتییەكدا لە سنووری گوندی گوڵپی سەر بە ناحیەی بیارە، هاوڵاتییەك بە ناوی فەرهاد ئەحمەد کەریم تەمەن 56 ساڵ برینداربوو، پاش گەیاندنی بە نەخۆشخانەی شار لە سلێمانی، بەهۆی سەختیی برینەکەیەوە گیانیلەدەستدا.
وتەبێژی بەڕێوەبەرایەتیی پۆلیسی پارێزگای هەڵەبجە ئاشكرایكرد، بنکەی پۆلیسی بیارە لێکۆڵینەوەی لە ڕووداوەکە دەستپێکردووە و دۆسیەی بۆ ڕێکخراوە.
