شەپۆلێکی نوێی بارانبارین هەرێم دەگرێتەوە

بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، بەهۆی ناجێگیرى کەشوهەوا پێشبین دەکرێت هەرێمى کوردستان بکەوێتە ژێر کاریگەریی شەپۆلێکى بارانبارین و هەورە تریشقەوە.

بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “بەهۆی ناجێگیرى کەشوهەوا پێشبینى دەکرێت هەرێمى کوردستان بکەوێتە ژێر کاریگەریی شەپۆلێکى بارانبارین و هەورە تریشقە، رۆژی شەممە ئاسمان نیمچە هەور و لە هەندێک ناوچە هەورى تەواو دەبێت لەگەڵ بارینى کەمێک نمە باران بە تایبەت لە ناوچە شاخاوییەکان”.

ئاشکراشیکرد، “رۆژی یەکشەممە ئاسمان هەورى تەواو دەبێت لەگەڵ دەست پێکردنى بارانبارین و لە کاتەکانى نێوەڕۆدا رێژەى بارانبارین زیاددەکات و هەندێک کات هەورە تریشقەى لەگەڵ دەبێت و خێرایی با (15-25) کم/س دەبێت”.

سەبارەت بە بەردەوامی شەپۆلەکە کەشناسیی هەرێم باسیلەوەکرد، “رۆژی دووشەممە ئاسمان هەوری تەواو دەبێت لە گەڵ بارینى نمە باران و بارانى مام ناوەند و لە کاتەکانى شەودا ئاسمان دەگۆڕێت بۆ نیمچە هەور نمە باران لەناوچە شاخاوییەکان و هەندێک ناوچەى دیکە بەردەوامى دەبێت”.

بابەتی پێشتر

فەڕەنسا دووەمین رۆژی خۆپیشاندانی ناڕەزایی بەڕێکرد

بابەتی دواتر

بەبۆنەی جەژنی نەورۆزەوە 61 هەزار گەشتیار روویان لە هەولێر کردووە

بابەتی پەیوەندیدار
زیاتر ببینە

فڕنی سەموونی گوڵیا داخرا

بەهۆی پابەندنەبوون بە مەرج و رێنماییەكانی تەندروستییەوە، قائیمقامیەتی سلێمانی فڕنی سەموونی گوڵیای لە گەڕەكی رزگاری داخست و خاوەنەكەشی…
Total
0
Share