پاپای ڤاتیكان سەردانی ئۆكرانیا دەكات و دەیەوێت چاوی به منداڵانی ئه‌و وڵاته بكه‌وێت، ده‌شڵێت، كاتێكی گونجاو بۆ سه‌ردانه‌كەی ده‌دۆزێتەوە.
ئاژانسی ڕۆیته‌رز، بڵاویكردەوە پاپا فرانسیس، پاپای ڤاتیكان ڕایگه‌یاندووە، بیر له‌وه‌ده‌كاته‌وه كه سه‌ردانی ئۆكرانیا بكات.
باسی لەوەشكردووە، دەیەوێت منداڵانی ئه‌و وڵاته به‌سه‌ر بكاتەوە و بۆ ئەو مەبەستەش كاتێكی گونجاو بۆ سه‌ردانەكەی بدۆزێتەوە.
پاپای ڤاتیكان ئەوەشی خستووەتەڕوو، “هه‌فته‌ی داهاتوو به‌شێك له نوێنه‌رانی حكومه‌تی ئۆكرانیا سه‌ردانمان ده‌كه‌ن، پێكه‌وه له‌سه‌ر پرسی سه‌ردانیكردنی ئۆكرانیا گفتوگۆیان له‌گه‌ڵدا ده‌كه‌م”.
