خەڵکانێکی زۆر پێویستیان بەوەیە پەنجەکانیان زیاتر لە جارێک لە ڕۆژەکەدا بتەقێنن، بەڵام ئایا سوود و زیانەکانی ئەم کارە چین؟
بەپێی پێگەی “ئینڤێرس”، لە سەدا 54ـی جیهان بە بەبردەوامی پەنجەیان دەتەقێنن.
ئەو دەنگەی لەم کردەیەوە دێت، بەرهەمی کشاندنی بەستەری نێوان ئێسکەکانە و دەبێتە هۆی کەمبوونەوەی فشار لەسەر لینجیی ئێسکەکان، پاشان هەر گاز و پاشماوەیەک هەبێت دەردەچێت و ئەو دەنگە دەردەدات.
بەپێی کیرا کاپۆزولۆ پسپۆڕی تەندروستی و پزیشکی تایبەتمەند لە بڕبڕەی پشتدا، تەقاندنی پەنجە هیچ زیانێکی تەندروستیی نییە.
ئەم پزیشکە بە “ئینڤێرس”ـی ڕاگەیاندووە، ئەم کارە “گەر بە شێوەیەکی گونجاو بکرێت، هیچ زیانێکی نابێت”.
بۆیە “بە دەگمەن تەقاندنی پەنجەکان زیانی دەبێت، بەڵام هەندێک جار دەکرێت کێشەیەک لە بەستەرەکەدا ڕووبدات و ببێتەهۆی هەوکردن و ئازار، ئەمەش پێویستی بە چارەسەر دەبێت”.
