بە تۆمەتی یاخیبوون لە دەستوور داوایەك دژ بە پارتی دیموكراتی كوردستان لە دادگای باڵای فیدڕاڵی تۆماركرا و داوای هەڵوەشاندنەوەی پارتەكە دەكرێت.
سكاڵاكە لەلایەن پارێزەری ئەندامێكی ئەنجومەنی نوێنەرانی عێراقەوە بۆ دادگاكە بەرزكراوەتەوە و تیایدا پارتی تۆمەتباركراوە بەوەی پابەندنییە بە دەستووری عێراقەوە و لە پرۆسەی سیاسیی عێراق لایداوە، هەروەها بڕیارەكانی دادگای فیدراڵیی جێبەجێ نەكردووە.
سكاڵاكە، كە دژی هەریەكە لە د. بەرهەم ساڵح سەرۆك كۆمار و محەمەد حەلبووسی سەرۆكی ئەنجومەنی نوێنەران تۆماركراوە، ناوەڕۆكەكەی پەیوەستە بە هەنگاوەكانی پارتی و داوایكردووە هەر كاندیدێكی ئەو حزبە بۆ پۆستی سەرۆك كۆمار و پۆستەكانی دیكە لە حكومەت و پەرلەمان ڕەتبكرێتەوە.
ناوەرۆكی سكاڵاكە كە لەلایەن بەشێك لە میدیا عێراقییەكانەوە بڵاوكراوەتەوە تیایدا ناوی پەرلەمانتارەكە شاردراوەتەوە.
