میدیاکانی ئەمریکا، ئەمڕۆ دووشەممە 23ی تشرینی دووەم، بڵاویانکردەوە کە جۆ بایدنی سەرۆکی کاندیدکراوی ئەمریکا بڕیاری کۆتایی لەبارەی ژمارەیەک پۆستی کابینەکەی و لەناویشیاندا ئانتۆنی بلینکنی وەک وەزیری دەرەوەی وڵاتەکەی دیاریکردووە کە پێشتر لە وەزارەتی دەرەوە ئاشنای دۆزی کورد بووە.
ئەنتۆنی بلینکین، لە ساڵی 2016 دا سەردانی هەرێمی کوردستانیکردووە و ئەکات وەک جێگری وەزیری دەرەوەی ئەمریکا لەگەڵ بەرپرسانی هەرێم کۆبوویەوە.
ئەنتۆنی لە سەردانەکەی ساڵی 2016 یدا پرسی هێرشی سەر موسڵ و هاوکاری پێشمەرگەی لەشەڕی دژی داعشدا لەگەڵ بەرپرسانی هەرێم و سەرۆکی هەرێمی ئەوکاتە کە مەسعود بارزانی تاوتوێکرد.
وەزیری پێشنیازکراو بۆ وەزارەتی دەرەوەی ئەمریکا ئەوکات لە کۆبوونەوەکانیدا لەگەڵ بەرپرسانی هەرێم ڕایگەیاند، “پێشمەرگە فیداکاری زۆریکردووە لەبەرامبەر ڕاوەستاندن و پاشەکشەپێکردنی داعش لە ناوچەکانی موسڵ و خواروی کەرکوک”.
ئەنتۆنی بلینکین ئەوکات لەگەڵ بەرپرسانی هەرێم پلانی ئازادکردنی موسڵی تاوتوێکرد و ئامادەیی وڵاتەکەی بۆهەر هاوکارییەکی پێشمەرگە دەربڕی.
سەردانەکەی وەزیری پێشنیازکراوی وەزارەتی دەرەوەی ئەمریکا بۆ هەولێر دەتوانێت کاریگەری هەبێت لەسەر ئاشنابوونی بە دۆزی کورد و تێگەیشتن لە دۆخی سیاسی و ئابوری کورد لە ناوچەکە.
