هەڵبژاردەی ئەرجەنتین بە سێ گۆڵی بێ بەرامبەر لە هەڵبژاردەی ئیتاڵیای بردەوەو ناسناوی جامی فینالیسیمای بەدەستهێنا.
یارییەكە لە یاریگای وێمبڵی بەڕێوەچوو، هەرسێ یاریزان دی ماریا و لاوتارۆ مارتینێز و دیبالا سێ گۆڵەكەیان كرد.
ئەرجەنتین لەو یارییەدا بە ئاستێكی بەرز و هونەرێكی بەرزەوە دەركەوت و نەیهێشت ئیتاڵیا هیچ مەترسییەك دروستبكات.
ئەرجەنتین 32 یارییە لەسەر یەك شكستی نەهێناوە، 21 یاریی بردۆتەوە و 11 یاریش یەكسان بووە.
18 جار گۆڵەكەی بەخاوینی هێشتۆتەوە لەو 32 یارییەی شكستی نەهێناوە.
مێسی كاپتنی هەڵبژاردەی ئەرجەنتین بۆ جاری دووەم جامە بەدەستهێنراوەكەی بەرزكردەوە.
مێسی لەكاروانی وەرزشیدا 40 ناسناوی هەیە و بۆ ئەوەی ببێتە خاوەنی زۆرترین ناسناو پێویستی بە چوار ناسناوی ترە.
دوای یارییەكە ڕۆبەرتۆ مانچینی ڕاهێنەری ئیتاڵیا جەختی كردەوە كە ئاستی ئەرجەنتین باشتر بووە و شایستەی بردنەوە بوون.
