کەشناسیی عێراق و هەرێمی کوردستان بەرزبوونەوەی پلەکانی گەرمایان ڕاگەیاندووە، بەپێی کەشناسیی هەرێم لە سبەینێوە پلەکانی گەرما بەرزدەبنەوە، عێراقیش ئاشکرایدەکات لەهەندێک ناوچە دەگاتە 48 پلە.
بەڕێوەبەرایەتیی گشتیی کەشناسیی هەرێمی کوردستان ئاشکرایکردووە، ئەمڕۆ و سبەینێ ئاسمان ساماڵ و پەڵەهەور دەبێت و پلەکانی گەرماش لە سبەینێوە بەرزدەبنەوە.
دەستەی کەشناسیی عێراق لەبارەی کەشوهەوای ناوچەکانی ناوەڕاست و باشووری عێراق ڕایگەیاند، پلەکانی گەرما لە چەند کاتژمێری داهاتوودا بەشێوەیەکی بەرچاو بەرزدەبێتەوە و لە چەند کاتژمێری داهاتوودا بۆ 48 پلە لە بەشێک لە ناوچەکانی باشوور و ناوەڕاست بەرزدەبنەوە.
