فەرمانگەی خانوبەرەی دەوڵەت لە وەزارەتی دارایی ئاشكرایكرد، 453 موڵك و خانوو كە لەلایەن كەس و حزب و لایەنەكانەوە دەستیان بەسەردا گیرابوو، گەڕێندرانەوە بۆ حكومەت.
بەپێی ڕاگەیەندراوی ئەو فەرمانگەیە، موڵك و خانووەكان لە پارێزگاكانی عێراقدان و بە پێچەوانەی یاسا و ڕێنماییەكانەوە زەوتكرابوون، بەپێی فەرمانی 50ی ساڵی 2019ی وەزارەتی دارایی، وەرگیراونەتەوە و گەڕێندراونەتەوە بۆ دەوڵەت.
ژمارەیەكی زۆری خانوو، موڵك و باڵەخانەی حكومەتی عێراق لەلایەن حزب و گرووپە چەكدارەكانەوە زەوتكراون و ئامارێكی ورد لەبارەی ژمارەیانەوە بەردەستنییە، بەڵام فەرمانگەی خانوبەرەی دەوڵەت لە وەزارەتی دارایی عێراق دەڵێت، بەردەوامن لە پشكنین و لێكۆڵینەوە بۆ ئاشكراكردنی سەرجەمیان و وەرگرتنەوەیان.
