لە دووەم ڕۆژی دیداری یەكێتی لە سلێمانی، بافڵ جەلال تاڵەبانی، سەرۆكی یەكێتیی نیشتمانیی كوردستان لەگەڵ لیژنەكانی دیداری یەكێتی كۆبووەوە و لەنزیكەوە بەدواداچوونی بۆ چۆنییەتی بەڕێوەچوون و بەردەوامی كارەكانی دیدارەكە كرد و ڕایگەیاند، “جێگەی دڵخۆشییە كە هەڤاڵانمان بە ئەوپەڕی دڵسۆزییەوە لە ڕاپەڕاندنی ئەركەكانیان بەردەوامن و بەتێبینی و پێشنیازەكانیان دیدارەكە دەوڵەمەندتر دەكەن.
سەرۆكی یەكێتی ڕاشیگەیاند، بە پەرۆشەوە بەرەو ئامانجەكانی دیداری یەكێتی هەنگاودەنێین كە خۆی لە نوێبوونەوە و چاكسازی لە حزبە تێكۆشەرەكەماندا دەبینێتەوە، داڕشتنەوەی سیاسەتێكی سەردەمییانە و دانانی ستراتیژێكی پتەوە تا وەكو بتوانین لەو ڕێگەیەوە خزمەتی زیاتری خەڵكی خۆشەویستی كوردستان بكەین.
سەرۆك بافڵ ئاماژەی بەوەشكرد، “یەكێتیی نیشتمانیی كوردستان خەبات بۆ هەموو كۆمەڵانی خەڵكی كوردستان دەكات و هەمەجۆری لیژنەكانی دیدارەكەش هەر لەو پێناوەدایە و هیچ سێكتەرێكمان لە یاد نەكردووە و دەمانەوێت كاری باشتر بكەین و خزمەتی زیاتر پێشكەشبكەین”.
