25 هەزار كەس لە عێراق بە كۆرۆنا مردوون و تووشبووان ژمارەیان گەیشتە زیاتر لە دوو ملیۆن و 300 هەزار كەس.
بەپێی ئاماری وەزارەتی تەندروستیی عێراق، لە ماوەی دوو ساڵی بڵاوبوونەوەی پەتاكەدا، كۆی ژمارەی تووشبووانی كۆرۆنا دوو ملیۆن و 300 هەزار كەسی تێپەڕاندووە.
وەزارەتی تەندروستیی عێراق دەڵێت، ڕێژەی تووشبوون بە كۆرۆنا لەناو عێراقییەكاندا 17%ـە و 99%ی تووشبووان نیشانە و كاریگەرییەكانی پەتاكەیان تێپەڕاندووە و چاكبوونەتەوە.
لە ئامارەكەی وەزارەتی تەندروستیی عێراقدا كە ئەمڕۆ شەممە بڵاوكراوەتەوە، ژمارەی قوربانییانی پەتای كۆرۆنا ئاشكراكراوە و ڕایگەیاندووە، زیاتر لە 25 هەزار كەس بە كۆرۆنا مردوون.
