چەند چەكدارێك هەڵیانكوتایەسەر نووسینگەیەكی دابەشكردنی مووچە و پێشانگەیەكی ئۆتۆمبێل و سێ قاسەی پارەیان دزی.
پۆلیس وردەكاریی ڕووداوەكانی ئاشكراكردووە و دەڵێت، سێ چەكدار چوونەتەسەر نووسینگەیەكی دابەشكردنی مووچە لە بەسڕە و پارەكانیان دزیوە.
بەپێی وتەی پۆلیسی بەسڕە، دواتر ئەو چەكدارانە هەڵیانكوتاوەتەسەر پێشانگەیەكی ئۆتۆمبێل و دوای برینداركردنی كارمەندێك، سێ قاسەی پارەیان دزیوە و هەڵاتوون و تا ئێستا دەستگیرنەكراون و شوێنیان نادیارە.
ڕووداوەكانی پەلاماردان، ڕفاندن و دزیكردن لە بەسڕە زۆربوون، دوێنێ چەند چەكدارێك تانكەرێكی نەوتیان دزی و دواتر پۆلیس باندێكی دەستگیركرد كە لە 18 كەس پێكهاتووە و بە چەك و ترساندن پارەیان لە خەڵك سەندووە و چەندین كەسیان ڕفاندووە.
