وەزیری نەوتی عێراق ڕایدەگەیەنێت، وڵاتەكەی خواستی هەیە بۆ ساڵی 2028 بەرهەمهێنانی نەوت بگەیەنێتە 8 ملیۆن بەرمیل نەوت لە ڕۆژێكدا.
ئیحسان عەبدولجەبار، وەزیری نەوتی عێراق لە میانی دیداریدا لەگەڵ كاترین كۆڵۆنا وەزیری دەرەوەی فەرەنسا ڕایگەیاند، “پلان و پرۆژەی فراوانمان هەیە و هەنگاوەكان بە جۆرێكن سێكتەری وزە و بەرهەمهێنان لە وڵاتدا پەرەیپێدرێت و بۆ ئەوەش پێویستمان بە هەماهەنگیی كۆمپانیا تایبەتمەندەكانی بواری نەوت و وزە هەیە”.
ئاشكرایكرد، عێراق لە هەنگاوی یەكەمدا ئاستی بەرهەمهێنان تاوەكو ساڵی 2025 دەگەیەنێتە 5 ملیۆن بەرمیل نەوتی ڕۆژانە بۆ ساڵی 2028 ئاستی بەرهەمهێنانی نەوت دەگەیەنێتە 8 ملیۆن بەرمیل نەوت لە ڕۆژێكدا بۆ ئەوەش پێویستی بە هەماهەنگیی كۆمپانیا فەرەنساییەكانی بواری نەوت و وزە هەیە.
