تۆڕی “موڤی ستار”ی ئیسپانی دوای خوێندنەوەی زاری یاریزانەکان، وتووێژێکی نێوان مارسێلۆ و لوکاس ڤاسکێز لەسەر کورسی یەدەگی یانەی ڕیاڵ مەدرید ئاشکرا دەکات.
لە کۆتا یاریی ئەم وەرزەی ڕیاڵ مەدرید بەرامبەر ڕیاڵ بیتیس، مارسێلۆ ڕوو دەکاتە ڤاسکێز و دەڵێت، “بارگرانییەکی زۆر لەسەر شانمە، چونکە یانە گرێبەستەمە نوێ ناکاتەوە، من نموونەیەکی گێلانە بووم، ناوازەیە مامە.. هیچ نازانین، بەڵام شتەکە لە ئێستادا بۆ من ئاسان نییە”.
یاریزانەکەی بەڕازیل دوای یارییەکەش بە میدیاکان دەڵێت، “پەنجا هەزار جار وتوومە دەمەوێت لێرە بەردەوام بم، دوای فیناڵی چامپیۆنزلیگ لەو بارەیەوە لەگەڵ ئیدارەی یانە قسە دەکەم.”
موڤی ستار ئاماژەی کردووە، تەنانەت لەدوای ئەم لێدوانانەش، هێشتا ئیدارەی شاهانە پێیان وایە ئەمە کۆتا وەرزی مارسێلۆیە لە مەدرید.
