قائیمقامییەتی سلێمانی دەستیگرت بەسەر 250 کیلۆگرام گۆشتی نەشیاودا کە گۆشتی هیندی بووە و بەهۆی خراپ مامەڵەکردن لەگەڵیدا خراپبووە.
لە لێدوانێکدا بۆ تۆڕی میدیایی ئێستا فریا، ئەو گۆشتە بڕەکەی 250 کیلۆگرام بووە، لەلایەن خاوەنەکەیەوە خاوکراوەتەوە و دواتر مامەڵەی لەگەڵکراوە، ئەوەش پێچەوانەی ڕێنماییە تەندروستی و ڤێتێرنەرییەکانە، کەنابێت گۆشتی هیندی و هەر گۆشتێکی بەستووی دیکە خاوبکرێتەوە و بفرۆشرێت.
ئەو بڕە گۆشتە لەلایەن لیژنەکانی قائیمقامییەتەوە دەستیبەسەردا گیراوە و لەناودەبرێت، بەهۆی نەشیاوییەوە بۆ خواردن.
لیژنەکانی قائیمقامییەتی سلێمانی داوا لە هاوڵاتییان دەکات تەنها ئەو گۆشتانە بکڕن کە مۆری ڤێتێرنەرییان پێوەیە و بە وریاییەوە مامەڵە لەگەڵ گۆشتدا بکەن، بەتایبەت لە ئێستادا کە نەخۆشیی تای خوێنبەربوون بڵاوبووەتەوە لە عێراق.
