نوێنەرایەتیی حكومەتی هەرێم لە بەریتانیا ڕایدەگەیەنێت،حكومەتی هەرێم هیچ جۆرە ڕێككەوتنێكی لەگەڵ بەریتانیا نییە بۆ بە زۆر ناردنەوەی پەنابەران و دەشڵێت، ” بەڕوونی دەیڵێین لە سەردانی فەرمیی سەرۆكی حكومەتی هەرێم و كۆبوونەوە لەگەل وەزیری ناوخۆی ئەو وڵاتە بە هیچ شێوەیەك پرسی بە زۆر ناردنەوەی پەنابەران باس نەكراوە”.
نوێنەرایەتیی حكومەتی هەرێم لە بەریتانیا ڕوونكردنەوەیەكی بڵاویكردووەتەوە و تێیدا هاتووە، ژمارەیەك هاونیشتمانیانی كورد لە بەریتانیا و میدیاكان پەیوەندی دەكەن لەسەر پرسی ناردنەوەی بەزۆری هاوڵاتییانی كورد و ڕێككەوتنی حكومەتی هەرێم و بەریتانیا لەو بارەیەوە.
ئاماژە بەوە كراوە، نوێنەرایەتیی حكومەتی هەرێم لە بەریتانیا بە پێویستی دەزانێت ڕایبگەیەنێت كە حكومەتی هەرێم كوردستان هیچ جۆرە ڕێكەوتنێكی لەگەل بەریتانیا نییە بۆ بە زۆر ناردنەوەی پەنابەران.
لە ڕاگەیەندراوەكە هاتووە، سەردانی فەرمیی سەرۆكی حكومەتی هەرێم و كۆبوونەوە لەگەڵ وەزیری ناوخۆ بە هیچ شێوەیەك پرسی بە زۆرناردنەوەی پەنابەران باس نەكراوە و هیج ڕێككەوتنێكیش لەو بارەیەوە نەكراوە.
