24ی ئایار وەك ڕۆژی جیهانیی برا دەستنیشانكراوە، مێژووەكەی زۆر دێرین نییە، بەڵام لە چەند ساڵی ڕابردوودا زیاتر لەسەر ئاستی جیهان ناسێندراوە و گرنگی پێدراوە.
سی دانیاڵ ڕۆدس كە كەسایەتییەكی ئەمریكییە، یەكەم كەس بووە ئەم ڕۆژەی دەستنیشانكردووە و لە 24ی ئایاری ساڵی 2005دا وەك بۆنە و ڕۆژێكی تایبەت بە برا ناساندوویەتی.
سەرەتا دوو برا بەشداریی ئەو بۆنەیەیان كردووە كە ڕۆدس ڕێكیخستبوو، دواتر ساڵ لە دوای ساڵ ڕۆژەكە سنوورەكانی ئەمریكای بەزاند و لە ئەڵمانیا، فەرەنسا، هیندستان، چین و ڕوسیا ناسێندرا و ئەمساڵیش لە چەندین وڵاتی تری جیهاندا گرنگی پێدەدرێت.
