دادگایەكی ئێرانی سزای 10 مانگ زیندانیكردن و 40 لێدانی جەڵدی بەسەر سەرۆك خێزانێكدا سەپاند بەتۆمەتی “دزینی” سێ كیسە گازۆ، وەك ئەوەی ئاژانسی فارس بڵاویكردوەتەوە.
سزادراوەكە پیاوێكی تەمەن 45 ساڵە و باوكی سێ منداڵە، لەلایەن دادوەرەوە بڕیاری هەردوو سزاكەی بۆ دەرچووە.
بڕیارەكە كاردانەوەی لەسەر ئاستی وڵاتەكە لێكەوتووەتەوە و بەپێی سایتێكی ئەلیكترۆنی سەر بە دەسەڵاتی دادوەری لیژنەیەكی تایبەت لە پارێزگای قوم پێكهێنراوە بۆ تاووتوێكردنی “گونجاوی” بڕیاری سزاكە و دەڵێت، “لیژنەكە كاردەكات لەسەر بەكارهێنانی سەرجەم ڕێوشوێنە دادوەرییەكان بۆ كەمكردنەوەی سزاكە”.
مستەفا وسوق كیا، ڕۆژنامەنوسی ئێرانی لە تویتەر نوسیویەتی، “دزینی سێ كیسە گازۆ، بە ئەگەرێكی زۆرەوە بەهۆی برسێتییەوەیە، شایانی 10 مانگ زیندانیكردنە؟”.
