ماتیۆ ئەلیمانی بەڕێوەبەری وەرزشی بەرشلۆنە گومانی خستە سەر داهاتووی دێمبلی فەرەنسی و ڕاگەیاندنەكان پێشبینی ڕۆیشتنی دەكەن.
كۆتایی ئەم وەرزە گرێبەستی دێمبلی لەگەڵ بەرشلۆنە كۆتایی دێت و تا ئێستاش بۆندەكەی نوێ نەكردۆتەوە.
ماتیۆ ئەلیمانی بەڕێوەبەری كارەكانی بەرشلۆنە وتی: “گرێبەستی ئێمە پێشكەشی دێمبلی كراوەو ئەوەی ماوەتەوە وەڵامی فەرمی ئەوانە.”
وتیشی: “تائێستا هیچ وەڵامێكمان پێنەگەیشتووە و چاوەڕێین بزانین كاردانەوەیان چی دەبێت.”
بە پێی ڕاگەیاندنەكان بێت بەڕێوەبەری كارەكانی دێمبلی لە هەڵسوكەوت و مامەڵەی ئیدارەی بەرشلۆنە بێزارە و پێیوایە وەك پێویست ڕێزیان لێنەگیراوە.
