پارێزگاری بەغداد ئەمڕۆ شەممە بۆ یەکەم جار گیانلەدەستدانی بە تای خوێنبەربوون و تۆمارکردنی چوار حاڵەتی تووشبوون بە نەخۆشییەکەی لە پایتەخت ڕاگەیاند.
محەمەد جابر عەتا پارێزگاری بەغداد ڕایگەیاند، لە ڕەسافە دوو حاڵەتی تای خوێنبەربوون و لە کەرخیش سێ حاڵەتی نەخۆشییەکە تۆمارکراون کە یەکێک لەوانەی کەرخ گیانیلەدەستداوە.
داوای ڕێکاری بەپەلە و توند لەوبارەیەوە دەکات، لەگەڵ ئەوەشدا جەخت لە باشبوونی دۆخی تەندروستیی هەندێک لەو تووشبووانە دەکاتەوە.
پارێزگاری بەغداد ئاماژەی بەوەکردووە، هیچ ناوچەیەک نییە لە بەغداد دیاریکراوبێت کە نەخۆشییەکەی تێدا بڵاوبووەتەوە.
هەر ئەمڕۆ لە پارێزگای زیقار چوار حاڵەتی دیکەی تووشبوون بە تای خوێنبەربوونی تۆمارکرد و بەوەش ژمارەی تووشبووانی پارێزگاکە گەیشتە 40 تووشبوو.
