بزوتنەوەی تاڵیبان بڕیارێكی نوێی بۆ ژنان و كچانی ئەفغانستان دەركرد و ڕایگەیاند، دەبێت كچە بێژەرەكان ڕووخساریان دابپۆشن.
كەناڵی “TOLO news”ی ئەفغانی بڵاویكردەوە، نوێنەرانی هەردوو وەزارەتی “فەرمان بە چاكە و ڕێگریكردن لە خراپە” و ڕاگەیاندن و ڕۆشنبیری، بڕیارەكەیان بە گرووپی میدیایی “MOBY” ڕاگەیاندووە و پێیانوتوون، “بڕیاری كۆتاییە و مایەی مشتومڕ نییە”.
گرووپی میدیایی “MOBY” ساڵی 2002 دامەزراوە، گەورەترین كۆمپانیای میدیایی ئەفغانستانە و سەعەد موحسنی سەرمایەداری ئەفغانی خاوەنیەتی، هەواڵی بڕیارە نوێیەكەی تاڵیبانی بڵاوكردووەتەوە و دەڵێت، بڕیارەكە نێردراوە بۆ هەموو دەزگاكانی ڕاگەیاندن لە ئەفغانستان.
