ڕوسیا چەكی نوێی خستە مەیدانەوە و دەڵێت، پشت بە بنەمای فیزیایی نوێ دەبەستێت و بە لەیزەر فڕۆكەی بێفڕۆكەوان دەسووتێنێت و مانگی دەستكرد لەكاردەخات.
یوری بۆریسۆڤ سەرۆك وەزیرانی ڕوسیا ڕایگەیاند، چەند جۆرێكی نوێی چەكیان داوە بە سوپای وڵاتەكەیان كە بە شێوازێكی نوێ پەرەیانپێدراوە و پشت بە بنەمای فیزیایی نوێ دەبەستن.
بەپێی وتەی بۆریسۆڤ، جگە لە دروستكردنی چەكی نوێ، پەرەیان بە چەند جۆرێكی تری چەك داوە لەوانە چەكی لەیزەری كە لە دوورییەكی زۆرەوە فڕۆكەی بێفڕۆكەوان دەسووتێنێت و لە ساڵانی داهاتوودا دەدرێت بە سوپا.
پێریسێڤت ناوی ئەو ئامێرە نوێیەیە كە ڕوسیا وەك چەكی دژەفڕۆكەی بێفڕۆكەوان دەیدات بە سوپاكەی، تۆپێكی لەیزەرییە و توانای لەكارخستنی مانگی دەستكردی هەیە.
سەرۆك وەزیرانی ڕوسیا لەبارەی ئەو چەكەوە دەڵێت، لەناو چەكە ئەتۆمی و كیمیایی و بایۆلۆجییەكاندا بێوێنەیە و بنەمای فیزیایی نوێی تیادا بەكارهاتووە.
