وەزارەتی پێشمەرگە بڵاویكردووەتەوە، بڕیاردرا یەكپۆشی جلوبەرگی پێشمەرگە بخرێتەبواری جێبەجێكردنەوە.
بەپێی ڕاگەیەندراوێكی وەزارەتی پێشمەرگە تێیدا هاتووە، بەسەرپەرشتی بۆردی چاكسازی و هاوپەیمانان، كۆبوونەوەی گروپی ڕاوێژكاریی سەربازیی فرەنەتەوەیی و بەڕێوەبەرایەتیی چاكسازی بەڕێوەچوو.
ئاماژە بەوە كراوە، لە كۆبوونەوەكەدا سەرجەم پرۆژەكانی پرۆسەی چاكسازی گفتوگۆیان لەبارەوەكرا، بەتایبەت هەرسێ پرۆژەكانی (پزیشكی، لۆجستی، یەكپۆشی).
لە ڕاگەیەندراوەكە هاتووە، بەشداربووانی كۆبوونەوەكە خۆشحاڵیان دەربڕی بە بەرەوپێشچوونی پرۆژەی لۆجستی بە كردنەوەی بنكە ئیدارییەكانی سلێمانی و دهۆكی سەر بە بەڕێوەبەڕایەتیی میرەی گشتی، كە دەتوانێت لە نزیكەوە پشتگیریی یەكە سەربازییەكانی هەردوو ناوچەكە بكات.
هەر لەكۆبونەوەكەدا بڕیاردرا، پرۆژەی یەكپۆشی بە خێرایی لە كۆبوونەوەی ئەنجومەنی بەرگری تاوتوێبكرێت و بڕیاری جێبەجێكردنی بۆ دەربكرێت، كە ماوەیەك بوو بە هۆكاری دارایی وەستابوو.
