بەڕێوەبەرایەتیی گشتیی تەندروستیی سلێمانی ئاشکرایکرد، لەماوەی 24 کاتژمێری ڕابردوودا 130 کەس بەهۆی کاریگەرییەکانی خۆڵبارینەوە سەردانی بەشی فریاکەوتنیان کردووە.
لە ڕاگەیەندراوێکدا بەڕێوەبەرایەتیی گشتیی تەندروستیی سلێمانی بڵاویکردەوە، لە بەشی فریاکەوتنی هەردوو نەخۆشخانەی شار و د.جمال احمد ڕشید تایبەت بەمنداڵان 130 هاوڵاتی بەهۆی کاریگەریی خۆڵبارینەوە چارەسەریان بۆکراوە.
بەپێی ڕاگەیەندراوەکە، بەشێکی زۆر لەوانە دوای وەرگرتنی چارەسەر ڕەوانەی ماڵەوە کراون.
