بەڕێوەبەرایەتیی گشتیی كەشناسی و بومەلەرزەزانیی هەرێم بڵاویكردووەتەوە، پێشبینیدەكرێت بارانبارین هەموو ناوچەكانی هەرێمی كوردستان تا درەنگانی شەو بگرێتەوە و ئەگەری بەرزبوونەوەی ئاستی ئاو لە چەند ناوچەیەك هەیە.
بەپێی ڕاگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم، تێیدا هاتووە، بەهۆی ناجێگیری كەش و هەواوە كە گۆڕانكاری لەنەخشەكانی كەش و هەوا ڕوویداوە پێشبینیدەكرێت بەشێوەیەكی گشتیی بارانبارین مامناوەند هەموو ناوچەكانی هەرێمی كوردستان دەگرێتەوە و هەندێك جار لێزمە باران ڕوودەدات.
لە ڕاگەیەندراوەكە هاتووە، خێرای با زیاددەكات لەگەڵ بوونی هەورە تریشقە و بارانبارین بەردەوامدەبێت تاكو درەنگانی شەو و ئەگەری بەرزبوونەوەی ئاستی ئاو لە هەندێك شوێن .
