ئیدارەی نەخۆشخانەی فریاکەوتنی شەهید هەژار لە کەلار گیانلەدەستدانی باوک و کوڕێکی ڕاگەیاند کە بە ڕووداوێکی “دەگمەن” ناوی بردووە و هۆکاری گیانلەدەستدانەکەیانی ئاشکرا نەکردووە.
لە ڕاگەیەندراوێکدا نەخۆشخانەی فریاکەوتنی شەهید هەژار بڵاویکردەوە، باوک و کوڕێک لەماوەی چەند خولەکێکدا گیانیان لەدەستداوە، ئیدارەی نەخۆشخانەکە نووسیویەتی، “ڕووداوێکی دەگمەن بووە بۆ بەشی فریاکەوتن”.
بەپێی ڕاگەیەندراوی نەخۆشخانەکە، دوای ئەوەی باوکەکە تووشی حاڵەتێکی کتوپڕ بووە و گیانیلەدەستداوە کوڕەکەی گەیاندوویەتییە نەخۆشخانە بەمەبەستی ڕزگارکردنی بەڵام لە چەند خولەکێکدا و کەمتر لە نیو کاتژمێر کوڕەکەش گیانیلەدەستداوە.
ئیدارەی نەخۆشخانەی فریاکەوتنی شەهید هەژار هیچ زانیارییەکی لەبارەی هۆکاری گیانلەدەستدانی ئەو کوڕ و باوکەوە بڵاونەکردووەتەوە.
