بەهۆی ئەو شەپۆلی خۆڵبارینەی بەشێوەیەکی چڕ پارێزگاکانی عێراقی گرتووەتەوە هەردوو فڕۆکەخانەی بەغداد و نەجەف گەشتە ئاسمانییەکانیان ڕاگرت.
بەڕێوەبەرایەتیی فڕۆکەخانەی نێودەوڵەتیی بەغداد ئاشکرایکردووە، ئاسمانیان بەڕووی سەرجەم گەشتەکاندا داخستووە بەهۆی چڕیی خۆڵبارین و کەمبوونەوەی ئاستی بینین بۆ 300 مەتر.
دوای فڕۆکەخانەی بەغداد لەبەر هەمان هۆکاری خۆڵبارین و کەمبوونەوەی ئاستی بینین فڕۆکەخانەی نەجەفیش ڕاگرتنی گەشتە ئاسمانییەکانی ڕاگەیاند.
لە ماوەی مانگی ڕابردوودا عێراق بەشێوەیەکی بەردەوام شەپۆلی خۆڵبارین ڕووی تێکردووە کە بووەتەهۆی ئەوەی سەدان کەس ڕوو بکەنە نەخۆشخانەکان، هەروەها ڕاگرتنی گەشتە ئاسمانییەکان لە بەشێک لە فڕۆکەخانەکان.
