پەیوەندیکردنی ئێریک تین هاگ بە یانەی مانچستەر یونایتدەوە، تەنها گۆڕانکاری نابێت کە لە ناوخۆی مانچستەر یونایتد ڕوودەدات، بەڵکو گۆڕانکاری لە چەندین پێگەی کارگێڕی-دا دەکرێت.
چەندین ساڵە یانەی مانچستەر یونایتد ڕووبەڕووی شکست بووەتەوە، چەندین گۆڕانکارییان لەسەر ئاستی ڕاهێنەراندا کردووە و تاوەکو ئەم ساتە سەرکەوتوو نەبوون لە گەڕانەوە بۆ نێو بازنەی ناسناوەکان، ئەوەش خاوەندارێتی یانەی ناچار کردووە لە هاوینی 2022 گۆڕانکاری ڕیشەیی بکات.
جگە لەوەی تین هاگ دەبێتە ڕاهێنەر و بزوێنەری نوێ، شەش پێگەی کارگێڕیی دیکە گۆڕانکارییان بەسەردا دێت، بە هۆیەوە وەرزی داهاتوو یونایتدێکی نوێ دەبینین.
ئەو بەڕێوەبەرانەی لە کارەکانیان لادەبرێن:
ئێد ودوارد (بەڕێوەبەری جێبەجێکار)
مات جەج (بەڕێوەبەری دانوستاندنکار و ڕاوێژکارە وەرزشییەکان)
مارسێل بوت (بەڕێوەبەری دۆزەرەوەی بەهرەکان لە جیهان)
جیم لولەر (بەرپرسی دۆزرەوەی بەهرەکان)
هیمین تساییۆ (بەڕێوەبەری ستراتیژ و وەبەرهێنانی کۆمپانیا)
پاتریک کۆیل (سەرۆکی ستافی کارگێڕی)
لە بەرامبەردا چاوەڕوان دەکرێت چەندین بەڕێوەبەری بەتوانای دیکە جێگەی ئەم ناوانە بگرێتەوە، لە نموونەی پاوڵ میچێل، ئەو شارەزایەی بەهرەکانی سادیۆ مانێ و هیۆنگ مین سۆنی دۆزییەوە.
