جۆرجیۆ كیلینی بەرگریكاری یۆڤانتۆس ئاشكرایكرد، كۆتایی وەرز ڕیزەكانی یانەكە جێدەهێڵێت.
كیلینی لە شكستەكەی یۆڤانتۆس بەرامبەر ئینتەرمیلان لە جامی ئیتاڵیا بەشداربوو، پاش كۆتایی هاتنی یارییەكە وتی، داوای لێبوردن لە هاندەران دەكەین و كۆتایی ئەم وەرزەش ڕیزەكانی یۆڤانتۆس جێدەهێڵم.
وتیشی: دوو شەممەی داهاتوو ئاهەنگ دەگێڕم و بە یەكجاری ماڵئاوایی لە یۆڤانتۆس دەكەم.
بڕیارە ڕۆژی دوو شەممە یانەی یۆڤانتۆس لە ئالیانز ستادیۆم دواین یاریی خۆی لەم وەرزەی خولی ئیتاڵیا ئەنجام بدات و ئەو یارییەش بەرامبەر لازیۆ دەبێت.
بە پێی ڕاگەیاندنەكان بێت كیلینی بەرەو خولی تۆپی پێی ئەمریكا دەڕوات.
