ئەمڕۆ مووچەی مانگی ئازاری فەرمانبەرانی سەر بە وەزارەتی ڕۆشنبیری لە سلێمانی دابەشكراوە لە چەند ناوچەیەكی سنووری پارێزگای سلێمانیش مووچەی بەشێكی دامەزراوەكانی وەزارەتی خوێندنی باڵا دابەشكراوە.
بەپێی ئەو زانیارییانەی بە تۆڕی میدیایی ئێستا دراون، ئەمڕۆ چوارشەممە مووچەی مانگی ئازاری فەرمانبەرانی سەر بە وەزارەتی ڕۆشنبیری لە سلێمانی دابەشكراوە بڕە پارەیەك لە بانكی هەرێمەوە دراوە بە بانكەكان لە چەند ناوچەیەكی سنووری پارێزگای سلێمانی بڕە پارەیەك دراوە بە فەرمانگە و دامەزراوەكانی سەر بە وەزارەتی خوێندنی باڵای هەرێم، بەڵام بەشی هەمووی نەكردووە.
تائێستا بەشێكی فەرمانبەران مووچەی مانگی ئازاریان وەرنەگرتووە لە ئێستادا دەستكراوە بە دابەشكردنی مووچەی مانگی چواری ئەمساڵ.
