كارلۆ ئەنچیلۆتی ڕاهێنەری ڕیاڵ مەدرید جەختی كردەوە لەوەی كە ئەوان پێویستە سەرجەم یارییەكانی ماویانە بیبەنەوە تا بە باشی ئامادەكاری بۆ یاریی كۆتایی چامپیۆنز لیگ بكەن.
وتیشی: یاریی بەو یاریزانانە دەكەم بەرامبەر لیڤانتی كە بەرامبەر ئەتلەتیكۆمەدرید پشویان وەرگرتبوو.
پوختەی قسەكانی ئەنچیلۆتی
– یارییەكەی لیڤانتی پێویستە بە باشی یاریی بكەین، بۆ ئەوەی لەسەر ڕیتمی بردنەوە بەردەوام بین.
– كڕینی هالاند پەیوەندی بە منەوە نییە، من گرنگی بە تیپەكەی خۆم دەدەم كە گەیشتۆتە یاریی كۆتایی چامپیۆنزلیگ.
– كاتمان دەبێت بۆ قسەكردن لەسەر رۆدیگێر ، پێویستە سەرەتا ئەم وەرزە بەشێوەیەكی نمونەیی كۆتایی پێبهێنین، ئێستا كاتێكی گونجاو نییە بۆ قسە كردن لەسەر داهاتوو.
– پێویستە بەرامبەر لیڤانتی بەشێوەیەكی باش یاریی بكەین، ئامانجەكە لای ئێمە ڕوونە، پارێزگاریكردنە لە ڕیتمی بردنەوە.
– كۆرتوا و ڤینیسیۆس و بنزیمە گەڕاونەتەوە پێكهاتەی ڕیاڵ مەدرید
– بۆ یاریی لیڤانتی بەشداری بەو یاریزانانە دەكەم كە بەرامبەر ئەتلەتیكۆ یارییان نەكردووە.
– پینتۆس كەسێكی بەتوانایە و خیبرەیەكی زۆری هەیە، هاوكاری كردوین لە روویی جەستەییەوە توانای تەكتیكی بەهێز بكەین، ئەو زۆر سەرنج لەسەر وردەكارییەكانی یاریزان دەدات و یاریزانەكانیش زۆر متمانەیان پێیە.
– ناسناوی خولی ئیسپانیا بە شایستەیی بەدەستمان هێناوە، لە هەموو یانەكانی تر باشتر و بەهێزتر و چالاكتر بوین.
– كەس ناتوانێت بڵێت شایستەی ئەم ناسناوە نەبون
– بە یاریزانەكانم وتوە كە پێویستە ئەو یارییانەی ماومانە بە بردنەوە كۆتایی پێبهێنین.
– پێویستە هەموو یاریزانەكان بۆ یارییەكەی ڕیاڵ بیتس ئامادەبن، چونكە دوای ئەو یارییە ئیتر دەست بە ئامادەكاری بۆ چامپیۆنز لیگ دەكەین
