تەندروستیی هەولێر تووشبوونی هاوڵاتییەكی شارەكە بە نەخۆشی تای خوێنبەربوون ڕادەگەیەنێت.
لە ڕاگەیەندراوێكدا كە كەمێك لەمەوبەر بڵاویكردەوە، بەڕێوەبەرایەتیی گشتیی تەندروستیی هەولێر ئاشكرایكرد، دوای پشکنین و بەدواداچوونی تیمی پاراستنی تەندروستی، ئەمڕۆ یەکەم حاڵەتی تووشبوون بە تای خوێنبەربوون تۆمارکرا.
ڕایگەیاندووە، ئەو هاوڵاتییە خەڵکی شاری هەولێرە و تەمەنی 17 ساڵە، لە ئێستادا لەژێر چاودێریی پزیشکیدایە.
بەپێی ڕاگەیەندراوەكە، پێشتر حاڵەتێكی گومانلێكراوی تای خوێنبەربوون لە نەخۆشخانەی ڕاپەڕین هەبووە، بەڵام ئەنجامی پشكنینەكەی دەرچووە و دەركەوتووە كە تووشی پەتاكە نەبووە.
