سامان سیوەیلی وتەبێژی وەزارەتی پەروەردەی هەرێم لە لێدوانێكدا بە تۆڕی میدیایی ئێستای راگەیاند، دەسەڵاتی راگرتنی دەوام لە ناوەندەكانی خوێندن بەهۆی بارانبارینەوە دراوە بە پەروەردەی پارێزگا و ئیدارە سەربەخۆكان لەكاتی بوونی هەر مەترسییەك لەسەر خوێندكاران و مامۆستایان بە پشتبەستن بە راپۆرتەكانی بەڕێوەبەرایەتیی گشتیی كەشناسی و بە راوێژ لەگەڵ لێپرسراوی ئیدارە سەربەخۆكان خۆیان دەتوانن بڕیاری راگرتنی دەوام بدەن.
راشیگەیاند، بۆ ساڵی رابردوو و ئەمساڵیش ئەو دەسەڵاتە دراوە بە پەروەردەكان لە هەر حاڵەتێكی نەخوازراودا دەتوانن بڕیاری راگرتنی دەوام بدەن.
