كریستیانۆ ڕۆناڵدۆی پورتوگالی پاش شكستەكەیان بەرامبەر برایتۆن بە چوار گۆڵی بێ بەرامبەر، چووەتە لای فێرگسۆنی ڕاهێنەری مێژووی تۆپی پێ كە ئێستا وەك ڕاوێژكاری مانچستەر یونایتد كاردەكات و داوای لێكردووە داهاتووی یەكلایی بكاتەوە.
ڕۆناڵدۆ ڕای فێرگسۆنی وەرگرتووە و پێی وتووە ڕات چیییە؟ لە مانچستەر بمێنمەوە یاخود بڕۆم؟
ئەم یەكتر بینینەی ڕۆناڵدۆ و فێرگسۆن دوای ئەوە دێت كە بەشێوەیەكی فەرمی پۆستی ڕاهێنەرایەتی یانە ئینگلیزییەكە درا بە تین هاگی هۆڵەندی.
لە ئێستاشدا باس لەوە دەكرێت كە تین هاگ بڕیاریداوە دەستبەرداری كۆمەڵێك یاریزان ببێت و كۆمەڵێك یاریزانی نوێش بباتە ڕیزەكانییەوە.
بە پێی ڕاگەیاندنەكانی ئینگلتەرا بێت، فێرگسۆن بەهەموو شێوەیەك پشتگیری مانەوەی ڕۆناڵدۆی لە یانەی مانچستەر یونایتد كردووە.
