وەزیری بازرگانیی عێراق ڕایدەگەیەنێت ” ئە‌مڕۆ حەوت بارهە‌ڵگر گەنم ڕەوانەی هەرێمی كوردستان كراون بۆ چارەسەری بەشە ئاردی مانگانەی هاوڵاتییان.
موسەننا ئەمین، ئەندامی ئەنجومەنی نوێنەرانی عێراق ڕایگەیاند، “دكتۆر عەلا جەبووری، وەزیری بازرگانیی عێراق، پێی ڕاگەیاندم ئە‌مڕۆ پێنجشەممە حەوت بارهە‌ڵگر گەنم ڕەوانەی هەرێمی كوردستان كراون كە لە قە‌زای چە‌مچە‌ماڵ دادە‌گیرێن”.
ئەو پەرلەمانتارە دەڵێت، “وەزیری بازرگانیی عێراق ڕایگەیاندووە 40 بارهە‌ڵگری دیكە‌ی گەنم بە ڕێگاوە‌ن و ڕەوانەی ئاشە‌كانی هەرێمی كوردستان دەكرێن”.
ئاشكرایكرد، وەزیری بازرگانی دڵنیایدا لە ماوە‌ی چە‌ند ڕۆژی داهاتوودا كێشەی بەشە ئاردی مانگانەی هاوڵاتییانی هەرێمی كوردستان چارە‌سە‌ردە‌بێت.
