كارلۆ ئەنچیلۆتی ڕاهێنەری یانەی ڕیاڵ مەدرید دڵخۆشە بەو ئاستەی یاریزانەكانی لە بەرامبەر مانچستەر سیتی پیشانیانداوە و پێشیوایە یارییەكە هاوسەنگ بووە بۆ هەردولا.
بەڵێنیشی بە هاندەرانی ڕیاڵ مەدرید دا كە بەشێوەیەكی باش بۆ یاریی كۆتایی خۆیان ئامادە بكەن.
پوختەی قسەكانی ئەنچیلۆتی:
🗣 “زۆر خۆشحاڵم، پێم وایە هەموو مەدرید بەو ئەنجامە خۆشحاڵە، هەموو هێزی خۆمان لە یاریگا بەکارخست و لە تێکۆشان بەردەوام بووین.”
🗣 “بایەخی درێسی ڕیاڵ وا لە یاریزان دەکات هەرگیز کۆڵ نەدات، بۆ بردنەوە گەڕاین و بردمانەوە.”
🗣 “پێم وایە یارییەکە هاوسەنگ بوو، مان سیتی زۆر بەهێزە و سەرەتا ئەوان پێشەنگیان گرت، دوای ئەوەی هەوڵماندا خۆیان لە ئەنجامێکی پێچەوانەدا بینی-یەوە.”
🗣 “ئێمە نزیکین لە ناسناوی چامپیۆنزلیگ، بە دڵنیاییەوە بە باشترین شێوە خۆمان بۆ یاریی کۆتایی ئامادە دەکەین، شەرەفمەند بووین بە بردنەوە و گەیشتن بە فیناڵ.”
