ئیمانوێل ماکرۆن سەرۆکی فەرەنسا لە پەیوەندییەکی تەلەفۆنیدا لەگەڵ ڤلادیمێر پوتین سەرۆکی ڕوسیا، ئامادەیی خۆی دەربڕی بۆ پێشکەشکردنی هاوکاری لەپێناو گەیشتن بە ڕێکەوتنێکی ئاشتییانەی نێوان ڕوسیا و ئۆکرانیادا.
پاش پەیوەندییە تەلەفۆنییەکە، کۆشکی ئێلیزێ-ی فەرەنسا ڕایگەیاندووە، “سەرۆکی فەرەنسا ئامادەیی خۆی دەربڕی بۆ زەمینەسازیی دانوستاندن و چارەسەرێک کە گرەنتیی ئاشتی بدات، ئەمەش سەرباری ڕێزگرتنی تەواوەتی لە سەروەریی ئۆکرانیا و یەکێتیی خاکەکەی”.
لە ڕاگەیەندراوەکەدا ئاماژە بەوە دراوە، “جارێکی تریش سەرۆک کۆمار جەختیکردەوە، پێویستە جەنگ ڕابگیرێت”.
بەپێی ڕاگەیاندنەکانی فەرەنسا، پەیوەندیی تەلەفۆنیی ئەمڕۆی نێوان سەرۆکی فەرەنسا و هاوتا ڕوسییەکەی، زیاتر لە دوو کاتژمێری خیاندووە.
