دەسەڵاتدارانی ئەڵمانیا لێكۆڵینەوە لە پاڵنەرەكانی ئەو هێرشە هەڕەمەكییە دەكەن كە بە چەقۆ لە یەكێك لە شەمەندەفەرەكانی شاری ئاخن لە ڕۆژئاوای وڵات ڕوویدا و گومانیش دەكەن پەڕگیریی ئیسلامی هۆكاری پەلامارەكە بێت.
هێرشەكە بەرەبەیانی دوێنێ هەینی ڕوویدا.
هێربەرت ڕۆیل وەزیری ناوخۆی ویلایەتی باكووری ڕاین-ویسنڤالیا ڕایگەیاند، تۆمەتبارەكە گەنجێكی لەدایكبوونی عێراق و تەمەن 31 ساڵە.
هێرشبەرەكە پێنج كەسی برینداركردووە، پاش ئەوەی بەشێوەیەكی هەڕەمەكی و بەئەنقەست چەقۆی لە یەكێكیان داوە.
بەرپرسە ئەڵمانییەكە وتیشی، تۆمەتبار و قوربانییەكان هیچ پەیوەندییەك لەنێوانیاندا نییە.
ئەوەشی وت، خودی تۆمەتبارەكەش برینداربووە، چوار لە برینداران گوازراونەتەوە نەخۆشخانە و هیچ یەكێكیان دۆخی ناسەقامگیر نییە.
تۆمەتبارەكە لە ساڵی 2017دا خراوەتە لیستی چاودێرییەوە بەهۆی گومانلێكردنی بە پەڕگیریی ئیسلامی، بەڵام لەوكاتەوە هیچ هەڵسوكەوتێكی نامۆی ئەنجامنەداوە، ڕۆیڵ وای وت.
