قوباد تاڵەبانی جێگری سەرۆک وەزیران لەگەڵ خانەوادە و کەسوکاری قوربانیانی ڕووداوەكەی ئەمڕۆی چەمچەماڵ كۆبووەوە و ڕایگەیاند، “تەنانەت ئەگەر ڕۆژێک کەسوکاری قوربانیان لە تاوانبارەکە خۆش بن، ئەو وەک قوباد تاڵەبانی لێی خۆش نابێت و دەبێت بە سزای یاسایی خۆی بگات”.
بەپێی ڕاگەیەندراوێكی نوسینگەكەی، ئەمڕۆ قوباد تاڵەبانی لەگەڵ كەسوكاری قوربانییەكانی ڕووداوەكەی ئەمڕۆی چەمچەماڵ كۆبووەتەوە كە ژمارەیەک لە پیاوماقوڵی دەڤەرەکە ئامادەبووە و ڕایگەیاندووە، “تەنانەت ئەگەر ڕۆژێک کەسوکاری قوربانیان لە تاوانبارەکە خۆش بن، ئەو وەک قوباد تاڵەبانی لێی خۆش نابێت و دەبێت بە سزای یاسایی خۆی بگات.”
ئاماژەبەوەشكراوە، “قوباد تاڵەبانی پرسە و هاوخەمی خۆی بۆ خانەوادە و کەسوکاری ئەو ڕووداوە دڵتەزێنە دەربڕی و ڕایگەیاندووە، “ئەو دۆسیەیە دۆسیەی منە و دڵنیای کردنەوە کە تاوانبار بە سزای یاسایی خۆی دەگات”.
جێگری سەرۆک وەزیران داواشی لە خانەوادە و کەسوکاری قوربانیان کرد کە دان بە خۆیاندا بگرن و لەلایەن خۆیانەوە هیچ کاردانەوەیەک نەنوێنن و دڵنیاشی کردنەوە ئەگەر “تەنانەت ڕۆژێک ئێوەش لە تاوانبار خۆش بن، ئەو وەک قوباد تاڵەبانی لێی خۆش نابێت و دەبێت بە سزای یاسایی خۆی بگات”.
جەختیشی کردەوە، لەمەودوا قبوڵی ناکەن هیچ کەس و لایەنێک لە هەر پلە و پێگەیەکدا بن داڵدەی تاوانباران بدەن و هەرجۆرە هاوکاریکردن و داڵدەدانی تاوانباران وەک بەشداریکردن لە تاوانەکە حیسابی بۆ دەکرێت.
