بەیانی ئەمڕۆ لەسەر ڕێگای کەرکوک – بەغداد، بەهۆی ئەوەی ئۆتۆمبێلێکی تۆیۆتا پرادۆ خۆی کێشاوە بە تانکەرێکدا، دوو کەس گیانیان لەدەستداوە و سێ کەسی دیکەش برینداربوون.
پەیامنێری تۆڕی میدیایی ئیستا وتەی شایەتحاڵانی لە شوێنی ڕووداوەکەوە گواستەوە، بەوتەی ئەوان، تانکەرەکە لە شەوەوە لە کەنار ڕێگاکە وەستاوە بۆ پشوودان، بەڵام بەیانی ئەمڕۆ ئۆتۆمبێلە پرادۆکە خۆی پێداکێشاوە.
هەروەها شایەتحاڵەكان ئاماژەیان بە بوونی تەم و كەمبوونەوەی مەوداكانی بینین كرد و بە ئەگەری زۆرەوە ئەوە بووەتە هۆكاری ڕووداوەكە.
بەپێی بەڵگەنامەكان، سەرنشینانی ئۆتۆمبێلە پرادۆکە خەڵکی بەغدادن، لەگەڵ ئەوەشدا مۆڵەتی چوونە ناو هەولێریان پێبووە، بۆیە پێدەچێت لە بەغدادەوە بەرەو شاری هەولێر ڕۆشتبن.
