چاڤی ڕاهێنەری بەرشلۆنە دەڵێت پیرۆزبایی لە یانەی ڕیاڵ مەدرید دەكەین گەر ئەم وەرزە بوونە پاڵەوان و ئامانجیشمان ئەوەیە بگەینە چامپیۆنز لیگ.
باسیشی لە شێوازی یاریكردنی ئانسوفاتی كرد و جەختیشی كردەوە كە دی یۆنگ یاریزانێكی گرنگی یانەكەیانە.
پوختەی قسەكانی چاڤی
– ئەم هەفتەیە بۆ ئێمە باش بوو، یاریزانەكان هیلاك بوون و كەمێك پشوویان وەرگرت.
– ئانسو فاتی لە لیستی یاریزانەكانی بەرشلۆنە دەبێت بۆ یارییەكەی مایۆركا.
– چەند جارێك وتومە دی یۆنگ دەتوانێت جیاوازی دروستبكات، دی یۆنگ ئاستێكی بەرز پیشكەش دەكات.
– قسەم لەگەڵ دی یۆنگ كرد و لە زۆر یاریدا ئاستی بەرزە، پێویستە وا بكەین لە هەموو یارییەكدا وابێت.
– ڕیاڵ مەدرید لەوانەیە ئەمڕۆ ببێتە پاڵەوانی لا لیگا، ئەگەر بوون ئێمە پیرۆزباییان لێدەكەین.
– رێزی زۆری كومان دەگرم
– پێویستە سوپاسی كومان بكەین كە هاتۆتە بەرشلۆنە، ئەوەی ئێستا دەمانەوێت یەكگرتویی تیپەكەیە.
– نامەوێت قسە لەسەر وەرزی داهاتوو بكەین، ئێمە ئێستا لەم وەرزەداین و پێویستە بگەینە چامپیۆنز لیگ.
– ئانسو فاتی پێویستە لە گۆڵەوە نزیكبێت لەبەرئەوەی لەگۆڵكردندا زۆر بەتوانایەز
– من دڵخۆشم بە ئاستی ئاداما، كاتێك بەشداری دەكات هەوڵ بۆ هەموو شتێك دەدات
