بەرپرسێكی وەزارەتی پێشمەرگە ڕوونكردنەوە لەبارەی كارەكانی پێكهێنانی لیوا هاوبەشەكەی نێوان وەزارەتی پێشمەرگە و سوپای عێراق دەدات و دەڵێت، “بە هەوڵی هاوپەیمانان كاردەكرێت كە حكومەتی عێراق بودجەیان بۆ تەرخانبكات و ئێمە ڕاستەخۆ ئەو پێشمەرگانە دەنێرین”.
لیوا قارەمان كەمال، جێگری سەرۆك ئەركان بۆ ئۆپەراسیۆنەكان لە وەزارەتی پێشمەرگە لە لێدوانێكدا بە تۆڕی میدیایی ئێستای ڕاگەیاند، حكومەتی عێراق ئەمساڵ بودجەی پەسەند نەكردووە و كار بە یاسای بودجەی ساڵی ڕابردوو دەكات بۆیە ناتوانرێت بودجە بۆ ئەو پێشمەرگانە تەرخانبكرێت كە لەگەڵ سوپای عێراق تێكەڵدەكرێن و دوو لیوای هاوبەش پێكدەهێندرێن.
ئاشكرایكرد، “سەرجەم رێكارەكانی تایبەت بەو لیوایەی پێشمەرگە لە وەزارەت تەواوبووە، بەڵام تا ئەو كاتەی لەلایەن حكومەتی عێراقەوە بودجەیان بۆ تەرخاننەكرێت ئێمە نایانێرین”.
بەرپرسەكەی وەزارەتی پێشمەرگە وتی، ” لە ئێستادا بە هەوڵی هاوپەیمانان كاردەكرێت كە حكومەتی عێراق بودجەیان بۆ تەرخانبكات و هەر كات ئەو هەنگاوە جێبەجێكرا ئێمە ڕاستەخۆ ئەو پێشمەرگانە دەنێَرین”.
ئاماژەی بە وە كرد، ئەو دوو لیوا هاوبەشەی پێكدەهێندرێن بۆ پڕكردنەوەی بۆشایی ئەمنییە لە چەند ناوچەیەكدا.
